Technical Analysis ຄືການ ວິເຄາະກຣາຟລາຄາ ເພື່ອທີ່ຈະຄາດການການເຄື່ອນໃຫວທິດທາງຂອງລາຄາໃນອະນາຄົດ ໂດຍອາໃສຂໍ້ມູນຈາກການເຄື່ອນໃຫວຂອງລາຄາໃນອາດີດຜ່ານມາ Technical Analysis ຈະເປັນຕົວຊ່ວຍໃຫ້ເທຮດເດີ ຫຼື ນັກລົງທຶນ ສາມາດເທຮດ ຫຼື ລົງທຶນໄດ້ຢ່າງມີປະສິດທິພາບຍິ່ງຂຶ້ນ.

ເຖິງຈະບໍ່ 100% ກໍ່ຕາມ ການວິເຄາະກຣາຟ ສາມາດນຳໄປປະຍຸກໃຊ້ໃດ້ທັງ ຫຸ້ນ, ດັດຊະນີ, ທອງຄໍາ, ນ້ຳມັນ, forex ແລະ ອື່ນໆ ອີກຫຼວງຫຼາຍ ແລະ ຍັງສາມາດກໍານົດຊ່ວງເວລາທີ່ເຮົາຕ້ອງການວິເຄາະໄດ້ອີກດ້ວຍ ເຊັ່ນ: ນັກລົງທຶນຫຼິ້ນສັ້ນ ຈະເບິ່ງກຣາຟລາຄາ 5 ນາທີ, ຫຼິ້ນໄລຍະກາງກໍ່ຈະເບິ່ງກຣາບຟ 1 ຊົ່ວໂມງ ຫຼື ລາຍວັນ, ຖ້າຫຼິ້ນໄລຍະຍາວ ກໍ່ຈະເບິ່ງກຣາບລາຍ ອາທິດ, ຫຼື ລາຍເດືອນ ເປັນຕົ້ນ. ເຊິ່ງສິນຄ້າທີ່ດີທີ່ສາມາໃຊ້ໃນການວິເຄາະກຣາຟທາງເຕັກນິກ ຕ້ອງປະກອບໄປດ້ວຍສະພາບຄ່ອງສູງ, ລາຄາທີ່ປະກົດຕ້ອງບໍ່ຖືກແຊກແຊງ, ບໍ່ມີຂ່າວຮ້າຍແຮງ ເຊິ່ງຖ້າຫາກ ຫຸ້ນ ຫຼື ສິນຄ້າທີ່ວິເຄາະນັ້ນຂາດອົງປະກອບ 3 ສິ່ງນີ້ ກໍ່ຈະເຮັດໃຫ້ການວິເຄາະທາງເຕັກນິກນັ້ນດັອຍປະສິດທິພາບລົງ ເຊິ່ງ ການວິເຄາະທາງເຕັກນິກດັ່ງກ່າວຈະເຮັດໃຫ້ເທຣດເດີມີຄວາມສາມາດຕ່າງໆເຊັ່ນ:

• ຕັດສິນໃຈໄດ້ວ່າກຣາຟລາຄາຕະຫຼາາດແບບນີ້ຄວນທີ່ຈະເຂົ້າເທຮດ ຫຼື ບໍ່.
• ຮູ້ວິທີຄົ້ນຫາ Trade Setup (ວິທີສ້າງຜົນຕອບແທນຈາກການລົງທຶນ) ທີ່ສາມາດສ້າງກໍາໄລໄດ້.
• ຮູ້ວ່າຈະຄົ້ນຫາ Trade Setup ທີ່ອາດຈະສ້າງກໍາໄລໃດ້ແນວໃດ.
• ຮູ້ຈັດການ Trade Setup ທີ່ສາມາດສ້າງກໍາໄລໄດ້.